• Important Notice
  • image
  • image
  • image
  • image
  • image
Previous Next

CALL : +685 24414
FAX 20429
5th Floor John Williams Building
Tamaligi, Apia
email us button

Admin : cccsit@cccs.org.ws   

au leoleo icon

TUSI AU LEOLEO

tusifaitau aso icon

TUSI FAITAU ASO

autaumafai icon

TUSI AU TAUMAFAI

EFKS MUSEUM

efks museum1


 

MAIN OFFICE LOCATION

JavaScript must be enabled in order for you to use Google Maps.
However, it seems JavaScript is either disabled or not supported by your browser.
To view Google Maps, enable JavaScript by changing your browser options, and then try again.

CALL : +685 24414
FAX 20429
5th Floor John Williams Building
Tamaligi, Apia

email us button

FEAU O LE ASO

ASO TOFI 1 TESEMA 2022                     OPEN/DOWNLOAD  

  • Manatu autū:  O LE AO A LE ALI’I (The cloud of the Lord)
  • Tusi Faitau:    Esoto 40 : 17 – 27, 34 – 38

 

ASO FARAILE 2 TESEMA 2022             OPEN/DOWNLOAD 

  •        Manatu autū:    AMOINA O LE FALE FETAFA’I

(Carrying the tabernacle)

  •       Tusi Faitau:      Numera 4 : 1 – 15

 FEAU O LE ASO !

(Message of the day)

 

Manatu autū:       MATUA MATAGOFIE NAUĀ LOU APITAGA

                                         (How lovely is your dwelling place)

Tusi Faitau:          Salamo 84  

Sa tatou maua mai i le amataga o lenei masina se ia o’o mai ananafi le faatauaina o le auai (presence) o le Atua, aemaise le toe faaolaolaina o le Tapuaiga na toe aumai ai le Atolaau ma fausia ai le Malumalu e Solomona. O le Salamo 84 o loo pese i manuia ua maua ona o le auai mai o le Atua ma Lona mafuta mai i Ona tagata. O le pese i le matagofie o se mea e iloa ai le auai mai o le Atua. A’o manuia ma matagofie ia na tulimata’i e tuaā ina ia maua e le nu’u, lea ua va’ai iai mata, ma ua pulu naunau iai o latou loto.

Sa faamatala talu ai fausaga o le malumalu ma lona matagofie. Ae lē o le matagofie lea o lo’o pese ai le Salamo 84. E sili atu i le fai-Salamo le matagofie o le auai mai o le Atua nai lo le fale – “e matuā mana’omia (matagofie) ou afioaga” (Salamo 84:1). A’o le taunu’uga, “O lo’o naunau lo’u agaga, ma ua lailoa i le fia alu atu i lotoā o le Ali’i” (Salamo 84:2), ua lē uma le fia auai pea. Ua faaosofia le naunau e faaauau pea. I le ma lenei, “o loo alaga fiafia lo’u loto ma lou tino i le Atua soifua” (Salamo 84:2). Fiafiaga o le loto e maua pe a mautinoa le auai mai o le Atua, fai mai tusa lava pe na o le tasi o se aso i le afioaga o le Atua, tusa foi pe gata i le faitotoa ua sili lea nai lo le leai.

Taimi o le Salamo, a talanoa i le afioaga o le Atua o lona uiga o le malumalu. Peitai tatou, o le afioaga o le Atua o tatou, tagata faatuatua. Ua auai le Atua i totonu iā i tatou. O la le apostolo,“Tou te le iloa ea, o lo outou tino o le malumalu lea o le Agaga Paia ua i totonu iā te outou” (1 Koronito 6:19). Tautinoga lea a le tagata ua molimau i vavega o le alofa tunoa ua faatino i lona lava olaga, ma ua tapena le ola ma le loto malie e fai soo se mea e finagalo ai le Atua ua nofomau i totonu iā te ia. Mafua’aga lea o lana olega i tagata lotu i Efeso, “ia nofo mau foi Keriso i outou loto i le faatuatua; ina ia maua’a ma faavaeina outou i le alofa” (Efeso 3:17). Pe a o’o ina nofomau Keriso i totonu iā i tatou, ona fai lea o tatou ma apitaga sili ona matagofie mo lo tatou Atua.        

Le Atua e, lo matou Tamā, matou te faafetai i le matagofie o Lou Afioaga na faaalia i le lalolagi, faafetai ina ua to lau pule alofa ma fai o matou loto ma Ou Afioaga, faafetai i Lou Maota ua faamautinoa e Iesu e tele mea matou te nonofo ai. Faatasi mai a’o matou saili ma va’ava’ai atu i Lau Afio mo so matou malosi, so matou filemu ma so matou olioli, ina ia matou faasoa faatasi ma le au faatuatua le matagofie o lou afio tumau i o matou loto. Amene.        

 ***************************************************************************