CALL : +685 24414
FAX 20429
5th Floor John Williams Building
Tamaligi, Apia

Admin : cccsit@cccs.org.ws   

 FEAU O LE ASO!

(Message of the day)

Tusi Faitau – Salamo 30:1-12

Matua –(f11) – “Ua liua lo`u tagitu`i i le siva; ua e talaeseina lo`u ie talatala, a e fusia a’u i le fiafia;”

Manatu Autu – “Mai le tagitu`i i le siva.”

                         “Mourning into dancing.”

O vasaga o le tai, e sua mai ma toe mou atu. O suiga o le ta`u, o le aso ua lagi lelei, o le aso ua louloua, Manatu e faapena foi le soifuaga o lo o outou soifua ma ola ai, o le aso e faanoanoa ma tagitu`i ai, o le aso fiafia ma siva ai.

Manatu e faapena se vaaiga i le faitauga , o lenei taeao, o  le salamao faafetai, ae le gata i lea, o le agaga vivii  o le fai salamo i le alofa tausi mai o le Atua, i lona soifua ma le ola. aemaise lava i taimi faigata o le savaliiga.Ae le gata i lea, o lea ua tu le fai la e ala i le fale o le tupu o Tavita.

E lima vaega ua vaevaeina ai le salamo lenei, muamua, faailoa manino e le faisalamo, puapuaga sa oo ia te ia. Sa ma`i tigaina, ae na faamalolo e le Atua, ma laveaina ia mai le tuugamau. O le afuaga lea o le vivii o Tavita i le Atua, ona o lana puipuiga malu e le gata i le soifua ma le ola, ae ua laveaina o ia mai ona fili, o lo o lamalama ia te ia.

Lua, o le faamanatu a Tavita i ona tagata, aua nei galo ona pepese ma vivii i le Atua,ma ia manatua pea le paia o le Atua, aua ana le sea noa le Atua e le tau manuia faamoemoega uma.O le Atua, alofa na te aumaia le ola, ae o lona toasa ua se emo o le uila lona pai mai

Vaega e tolu ma le fa, o le augani ale fai salamo i le Atua e alofa ma lavea mai ia, ma faatumauina lana puipuiga ia te ia.

Ae i le fuaiupu ua autu iai mafaufauga, lea ua faailoa sao e Tavita lona lagaona, aua sa tupu ia te ia ina o feagai ma le toe faafoi ina mai o le atolaau. Sa tagitui ona o le oti o Usa ae sa toe siva fiafia ina ua toe aumai le atolaaau.Ae o le Atua lava na afua ai ia lagona.Lea foi ua fola manino le solo a le tamaloa, na o le Atua na te mafai ona aveesea ie talatala, ae fusi i le fiafia. O le mea lea e le mapu ai lona gutu e vivii I le Atua i taimi uma o le ola.

O se fafagu aoga foi lea mo le au kerisiano. Aua nei galo ona tatou vivii ma faafetaia le Atua ona o lona alofa tausi mai ia te i tatou. O lana puipuiga, ma lana faamalologa, ia tatou lagonaina i taimi uma.O le Atua lava na te suia lagona o le tagitu`i i le siva, lagona o le faanoanoa I le fiafia.E iai foi taimi e fetai ai ai i tatou ma faigata o le ola.Tatou faamoemoe pea i le Atua, e o’o mai ai le olataga.

Ia manu teleina feau ma galuega o lenei aso

Ia tumau atu pea i le Atua, lona lava viiga nei seia o’o i le faavavau, faavavau lava.

Amene.

Maotua Upulasi (AM) 

.………………………………………