CALL : +685 24414
FAX 20429
5th Floor John Williams Building
Tamaligi, Apia
Admin : cccsit@cccs.org.ws
ASO TOFI 1 TESEMA 2022 OPEN/DOWNLOAD
ASO FARAILE 2 TESEMA 2022 OPEN/DOWNLOAD
Tusi Faitau: Mataio 24:1-14
Matua: Mataio 24:1&13
Manatu Autu: Lafoa’i mea tuai ma faaulufale mea fou
O le Tusi Faitau o lenei aso o le lona lima lea o mataupu iloga o loo faamatalina ai e Mataio le taumafai ai o Iesu sei fofola le fala ma sei faamanino le vala lea i le mataupu e uiga ile talitonuga faa-Iutaia e uiga ile malumalu. O lea lava o loo tatamamau pea manatu ma lagona i aoaoga ma talitonuga pau a lea o le nofoaga e afio ai le mamalu o le Atua.
Lea lava e iloga ina ua ulufafo Iesu mai le malumalu ae omai ona soo ma faasino ia te ia i fale o le malumalu. E foliga mai ai o loo aofia ai foi ma le ausoo I manatu ma lagona ia e faataua ia i latou le malumalu.
Peitai lea na fetalai manino iai e Iesu, “ ua outou leiloa ea nei mea, e moni ou te fai atu ia te outou, e le toe iai se maa I luga o le isi maa, e soloia uma I lalo.
O le tali a Iesu i le ausoo ua iloa ai lea ua valoia e Iesu mea o le a tutupu I le lumanai,, e oo ai I le malumalu lea lava e manatu o le mea laualuga ile talitonuga o le Iutaia e oo a I maa o loo fausia ai pa ole malumalu e soloia ia uma I lalo.
O le finagalo ma le famoemoe o Iesu sei faamanino I le ausoo lagona ma mea tuai ia lea lava latou te manatu iai ao le faaalia foi lava lea o lona silisiliese na te silfia ai mea uma
Le ata manino e leai a se malosi faaletagata e tu ma tetee atu pe a oo ina faatuina le malo o le Atua I le lalolagi
Peitai lea foi ua oo ile mauga o Olive ua na o I latou ma Iesu, ao lea foi ua fesili poo afea e tutupu ai nei mea ua oo a le fesili ile gataaga male afio mai o Iesu, o le mea e le oo iai se silafia o se tasi ua nao le Atua.
Manino I le tali a Iesu i le ausoo le feagai ma faafitauli, puapuaga ma faigata ona o lona igoa e ono faaseseina e perofeta pepelo, o taua ma fevaevaeaiga, e inosia e oo a ile oti e tutupu uma nei mea,,, ae o le mea taua aua nei atuatuvale nei faaseseina ai I latou
O lona uiga e le o se mea fou le sauaina ona o le talalelei , o le mea fou ole manuia e maua e le tagata e tumau I taimi o faigata ma puapuaga ona o le talalelei e faaolaina
Ole feau foi lea o le talalelei mo I tatou I lenei aso, tele a ina tatou taofiofi mamau a I o tatou lagona ma manatu mea ua o tatou masani ai sei faamalie o tatou loto,
Lafoa’i ia mea tuai ae tatou o tatou faaulufale mea fou e ala I lo tatou faia ole finagalo o le Atua e ala I lo tatou ola auauna ma le tautua I soo se ala, aua nei galo, e le faigofie lava aua tatou te feagai ma faigata ma puapuaga ae aua tatou te atuatuvale, aua ua mautinoa lo tatou manuia e faavavau ua folafolaina mai pe afai tatou te tumau ia te ia. AMENE
Mika Suesue Teo [AM]
.………………………………………
© 2023 CCCS