• Important Notice
  • image
  • image
  • image
  • image
  • image
Previous Next

CALL : +685 24414
FAX 20429
5th Floor John Williams Building
Tamaligi, Apia
email us button

Admin : cccsit@cccs.org.ws   

ankara escort

au leoleo icon

TUSI AU LEOLEO

tusifaitau aso icon

TUSI FAITAU ASO

autaumafai icon

TUSI AU TAUMAFAI

EFKS MUSEUM

efks museum1


 

 FEAU O LE ASO!

(Message of the day)

 

 

Tusi Faitau-  Mataio 16 : 13-20.

Matua: Fuaiupu 18.

“Ou te fai atu nei a’u ia te oe. O Peteru oe, ou te ati a’e foi la’u ekalesia i luga o lenei papa, e le mafaia foi e faitotoa o seoli ona manumalo i ai”.

O le Manatu Autu o lenei aso e pei o le faasinoala a le Tusi Faitauaso. Iloaina o Iesu. X2.

 

Mo tatou uma ma le tatou tutupu mai i Samoa nei, ae ua leva na oo mai le Talalelei ia Iesu Keriso. Na tatou aoaoina ai lava Iesu ao tatou laiti i le Aoga Asosa seia oo ina tatou iloa lelei o Iesu lava o le tatou Alii ma le Faaola.

O lona uiga na tatou iloaina mai lava Iesu i totonu o o tatou aiga, aoga Asosa ma le toaaga e faitau ma suesue i le Tusi Paia.

E le pei la o Peteru ma le ausoo sa mulimuli lava ma le lẽ mautonu ma le lẽ talitonu i le mamalu ma le mamana o Iesu. E ui i le tele o aoaoga ma vavega na faia e Iesu, ae sa fa’alotolotolua pea le fa’atuatua ia te Ia.

Ae mo Peteru lava ia e pei o le tala sa faitauina, na manino ai lona silafia lelei o le faasinomaga o Iesu. O le tali atu a Peteru i le fesili a Iesu na mautinoa ai le malamalama lelei o Peteru ia Iesu.

O le mea moni o le agaga o le Atua na iai ma Peteru ina ua fesiligia e Iesu. O le faailoga o le tagata ua manino i lo la va fesootai ma le Atua.  Ae o le tali atu foi a Iesu na iloga ai lona tulaga Atua e pei o le fuaiupu ua fai ma matua.

E ui foi na faalupe  Peteru o le soo osovale, ae peitai e iai lava le faamoemoe o le Atua mo soo se tagata ma lona fa’aaogaina. Afai ua tali Peteru ma lona mautinoa lelei o Iesu o lona Matai ua talitonu ma faatuatua i ai. O le loloto lea o le iloaina e Peteru o Iesu.

Ua le toe i ai se masalosalo ma le faalotolotolua, ae ua atoa lio o le masina i lona loto e mulimuli ma fai o ia ma faifaiva i tagata. Ia fai o ia ma meafaigaluega a le Atua e ala ia Iesu ma lana Talalelei.

Fai mai Iesu. Amuia oe Simona Paiona, auã o le agaga o le Atua ua na fa’aali atu ia te oe. O Peteru oe, o oe o le papa o le faailoga o le tagata ua maua’a le faatuatua ia Iesu.

Ae o le papa na te fausia ai lana ekalesia i luga e le mafai ese isi lava malosi ona talepeina. O lea ua fai Peteru ma molimau  i lea fetalaiga a Iesu.  O le papa o le faailoga o le malosi ma le mauaa, e fofoa mai ai le manuia o le tagata faatuatua.

O le manuia o le tagata ua loloto lona iloaina o Iesu. E avatu ia te ia ki o le malo o le lagi. O mea o le a ia fusifusia ma tatalaina i le lalolagi, o le a faapena foi i le lagi.

O le faailoga o le pule ua tuuina mai ia Peteru talu lona talia ma le atoatoa o Iesu i lona valaauina.

Faamata o toatele  ea ni Peteru o loo tumau pea le iloaina o Iesu i o tatou vaitaimi. Po ua tatou iloa lelei ea Iesu ma le mafuaaga  o lona afio mai ma faatasi ma ona tagata ile lalolagi nei.

E ao ona tatou iloaina, o le afio mai o Iesu ma faatino ona faiva alofilima o le faaola ma laveai le tagata puapuagatia, o le faamoemoe lena o le Atua mo ona tagata sauaina ma lafoaiina.

Ae o le a sau tali pe a fesiligia oe e se isi poo ai Iesu. Afai ete tali e pei o le ausoo, o ia o Ioane le Papatiso, o isi o Elia, ae o isi o Ieremia poo se tasi o le au perofeta.

Ona misi alofa ai lea i le papau ma le gaogaoii o lou iloaina o Iesu. O le faailoga o le tagata ola faafoliga e pei o le au faresaio ma tusiupu.

O le mea moni ua tau fai tofu silafia uma ma tatou iloaina uma le talaaga ma le natura o Iesu, Afai o Iesu o le Faaola ma le atalii o le Atua e alofa faamaoni, ae le mafai ona tatou ola ma savavali i ona ala,  o lona uiga e le o atoa lou iloaina o Iesu.

Pe afai foi e nao lou mamapo i luma o tagata ma pese solo i magaala i le suafa o Iesu ae e te le alu ise lotu ile asosa, o oe le isi tagata teuteu lumafale ma mamasagia lou faamaoni ia Iesu.

‘Aua nei pei tatou o le nuu o le Atua o Isaraelu, e nao le mamapo e osi taulaga i le Atua ma alalaga Le Atua e , le Atua e, ae matuã mamao ese o latou loto ma le Atua. O le iuga  o le feagai ma le ola pologa i nuu ese.

O le tatou iloaina o Iesu, lea ua nopiai ai lana ekalesia aoao i Malua e sufi le tofa loloto ina ia tupu ma ola lana Talalelei i loto ma agaga o ona tagata lotu uma.

Ia manuia le alo atu o lana ekalesia i le amataga o lana fonotele o lenei vaiaso. Ia utupupuina foi le tofa fetalai ma le galuega mana a le agaga i le laulau a le fonotele ina ia maua le toamalie ma le mafanafana auã le taitaiga o le fonotele a le ekalesia.

Manuia lenei aso i lana ekalesia aoao faapea Samoa atoa.

Ona o Iesu Amene.  

 

 

 

Onosai Nofoaiga (FS) 

.………………………………………

ankara escort