CALL : +685 24414
FAX 20429
5th Floor John Williams Building
Tamaligi, Apia

Admin : cccsit@cccs.org.ws   

 FEAU O LE ASO!

(Message of the day)

Tusi Faitau: Salamo 98: 1-9                                                       

Matua: Salamo 98:1 “Ia outou pepese atu i le Atua i le pese fou; aua o vavega na na faia; o lona aao taumatau, o lona lava aao paia, ua ia fai ai le olataga”

Manatu Autu: Pese o le Toafilemu “Song of silence”

Faatomuaga

O isi tapuaiga e tautala ma le ava, lea lava e faamamafa ai le leotetele o laau pese ma leo o tagata toetoe lava a tatou vaai atu ave olaina.

A o faiga fo’i lea o tapuaiga tagata Isaraelu na fua ai le loto pe na tiga ai le Atua i lona nuu. Aua faapei ona alalaga i le Atua, sa faapea foi ona sisiva ma alalaga i le povi auro ma o latou atua na tapuai ai.

 E faapea foi faatinoga o le sauniga tatou te tapuai ai i le Atua, lea e faapea mai e ka le kitara ma alalaga tagata uma. Ia taalili le sami atoa ma mea uma ua tumu ai, ia pati lima vaitafe, ia alalaga faatasi ai mauga ma le fiafia.

O vaega o le foafoaga e le oo iai le malosi o le tagata ae e iai lona fesootaiga loloto e pei ona faataua ai i lenei taeao, ma o le a tatou sailiili iai ma le manino aua se feau faa-le-agaga mo i tatou uma.

Ua tatou masani i le uiga o le upu pese ma lona faatinoina. O pese e faatosina ma faaosofia ai lagona eseese o le tagata. O pese po o fatuga e maua ai le fiafia ma le ata, o fatuga e atagia ai le natura o le soifuaaga o le tagata, o fatuga e tali ai i le isi fatuga. O pese e lagi ai viiga pe manatua ai foi se tasi ua motusia le mafutaga I le olaga nei.

A o le manatu autu o lenei aso, pese o le toafilemu, pese o le filemu, ou te faauigaina faapea o le pese e leai se leo.

E manatua ai i le mafaufau Malua ma lana aga-i-fanua. E iai le taimi e siva ai e aunoa ma se pese. Taimi lea e oo mai ai le toafilemu i le au-faipese ae matamata nonofo i faatinoga a le au-sisiva.

E foliga faapea mafaufauga o le tusitala o lo o faaautu ai lenei aso ma le tapenaina o le Tusi Faitau Aso mo le au-faatuatua o le lalolagi.

O se faamanatu ina ia o tatou mafaufau loloto i le sasaaga a le Atua na ia tapenaina ai le foafoaga seia oo mai i o tatou vaitau.

O lona uiga, o le avanoa tatou te mafaufau loloto ai i le Atua ma lona matagofie.

Aua o le taimi e maua ai le toafilemu i le tagata, o le taimi lea o le Atua e pese ai i o tatou loto.

Aua o le taimi lava e toafilemu ai le au-pese a a’oa’o, o le taimi foi lea e maua ai le ata i le sisiva ma le faataupati a nai tausaga muamua.

O faiga faatupu malosi ma maua ai le to’a i le tausaga muamua e tutula’i ma sausaunoa i luma o le nu’u ma tagata.

Ma o le mea moni, o a’u lesi sui malosi o le au-sisiva e leai se pese…

O le uiga o se faamatalaga, o le taimi lenei o le sauniga, taimi o le lauga, na ua outou pepese e leai se leo ma faalogologo ma maimoa mo se feau o le Tala Lelei mo i tatou uma.

O le eseese lea o tapuaiga e pei ona taumafai ai se faamatalaga i le taimi ua sola. Ma e taofi mamau ai lava le EFKS i faiga mamalu lenei o ana tapuaiga aua ua atulasi faamanuiaga a le Atua ua tatou maua.

O le uiga o le taua ai o galuega o le foafoaga e le fatu pese Eperu, o se vaipanoa taua e tomanatu ai le tagata i le Atua.

Faitau tutusa ma le moment of silence e pei ona faatino ina e nisi ma tatou fo’i aua tagata na iloga la latou tautua i le atunuu ma le lalolagi.

A lea ua a’oa’o mai le talalelei, a moment of silence for God, the creator of the universe.

O lea e valaau atu ai ma le faaaloalo, se’i o tatou tutula’i mo sina minute, tatou te mafaufau ai i le matagofie o le Atua.

….……………..PAUSE………………for a minute or so…

Faafetai, alala i lalo…

Lea sa outou faalogo ma sa outou silasila, pisapisao le fanau, ioe… o foafoaga a le Atua, o le sau malu o le ea, o foafoaga a le Atua…(manogi o meataumafa) O manu felelei, o mea uma o le foafoaga a le Atua.

Pese fou lea o lo o finagalo le talalelei tatou te pepese ai. Pese e leai se leo, a ia faalogo ma le toto’a ma logonaina ma le fiafia galuega mamana a le Atua ua foa’i mai mo i tatou uma.

Aua o lona aao taumatau, o lona lava aao paia, ua ia fai ai le olataga.

Appilication

Lo tatou nuu e, i lenei taeao. O le faamanatu lea o le talalelei mo i tatou uma.

Tele pese eseese ua tatou pepese ai. Faapea foi pese ua tatou faalogoina ma tosina ai la tatou faalogo i lenei vaitau.

A ua tuuina mai le filifiliga sa’oloto ia te oe ma a’u tatou te filifili i fatuga eseese.

A o le tuualalo a le talalelei, tapena muamua o tatou loto ina ia o tatou maua le toafilemu mai le Atua, ona mafai lea ona tatala o tatou loto e lagoina ai le faafetai i le Atua ona o lana foafoaga mamana.

Pese fou lea e pei ona taua i le fuaiupu ua avea ma matua “Ia outou pepese atu i le Atua i le pese fou; aua o vavega na na faia; o lona aao taumatau, o lona lava aao paia, ua ia fai ai le olataga”

O le faamanatu o le talalelei, e le’o se feau e faa-le-aogaina ai le galuega a le aufaipese ma i latou ua ofoina le soifua e lagi ai viiga o le Atua i sauniga, aua o le mea moni, o le faatinoina lea o le faafetai a le tagata faatuatua.

O le galuega e faia ma le faatuatua, ma o lea ua a’oa’oina i tatou e iai le taimi e ave ai i tatou ma tagata faalogologo, ae pese ma alaga mai le foafoaga mamana a le Atua.

O le pese e faaosofia ai le fia auauna pea i le Atua aua o lona aao taumatau, o lona lava aao paia, ua ia fai ai le olataga.

O le a la sa tatou tali atu i le alofa ina a silisili ese?

Pule le tagata i lana tali.

Ae pei lava ona taua, o pese ma fatuga e tali ai isi fatuga. O lea ua agalelei mai le Atua e ala i le olataga na ia saunia e ala ia Iesu Keriso.

A le galuega lea a le aufaipese, o le lagi fetalia’i o le faafetai i le Atua ona o ia na mua’i alofa mai mo i tatou.

O le afuaga lea o le valaau ma faatauanau atu le Faifeau i le fanau ina ia auai i le aufaipese. Ia a’oa’oina le fanau ina ia iloa ona ola faafetai i le Atua.

Ma o le tuitui ma le faamanatu o le lauga, lea e toatele le aufaipese, ae mana’omia nisi loto toafilemu e faaleo ai la tatou faafetai i le Atua. Faaleo lou agaga faafetai i lona alofa tunoa mo i tatou uma.

Mo le fanau, malo le su’e, malo le a’oa’o. Afai a na e lulu ma le faamaoni, e te selesele foi ma le fiafia.

E iai le isi tamaititi ua matua ita ua uma le aoga a le faifeau, aua na o le mafaufau lava e sau e tafaofao ma eva ai i le maota o le galuega pei o Sosene ma Malua.

Ia manuia tele outou le fanau…

Faamalo foi i susuga i faiaoga aso sa, o outou lava sa amata mea a o feagai ai o tatou matua faa-le-agaga ma le malologa, ia manuia tele lo outou feagai ai ma outou tiute ma faiva aemaise o le valaauina.

O le pese fou, e afua mai i le loto o lo o iai le filemu o le Atua. Ma o le auala lea tatou te lagona ai le matagofie o galuega mamana a le Atua.

O la tatou tali lava o le faafetai ma faafoi le viiga i le Atua.

Kerygma

O le olataga ua uma ona saunia e le Atua e ala I le soifua atoatoa o Iesu Keriso, o lona maliu, ma lona toe soifua manumalo, ua tatou maua ai le avanoa i le ola faavavau, pe afai tatou te pepese i le pese fou ma le agaga faafetai ma le salamo faamaoni.

Ia manuia ona o Iesu,

Amene.

Loia Jr Kolia (AM) 

.………………………………………