• Important Notice
  • image
  • image
  • image
  • image
  • image
Previous Next

CALL : +685 24414
FAX 20429
5th Floor John Williams Building
Tamaligi, Apia
email us button

Admin : cccsit@cccs.org.ws   

ankara escort

au leoleo icon

TUSI AU LEOLEO

tusifaitau aso icon

TUSI FAITAU ASO

autaumafai icon

TUSI AU TAUMAFAI

EFKS MUSEUM

efks museum1


 

 FEAU O LE ASO!

(Message of the day)

 

 

Tusi Faitau: Mareko 6: 1 – 6

Matua: “… ua ofo i latou ua faapea atu, “Maifea na maua ai e lenei tagata ia mea? Se a foi lenei poto ua tuuina atu ia te ia, ina ia faia e ona lima vavega e faapena ona tele? E le o le tufuga ea lenei, le tama a Maria, o lona uso foi o Iakopo, ma Iose, ma Iuta, ma Simona? E le o iinei foi ea ia te i tatou ona tuafāfine?” Ona latou tausuai ai lea ia te ia” (2e – 3)

Manatu Autū: Suiga: E faigatā i nisi taimi, peita’i e mana’omia / Changes: Sometimes difficult, yet needed

 

O le upu lava e masani ai fai mai e sui lava faiga, ae tumau faavae.  O lona ua iai ni suiga  malie po o ni suiga fou i ni faiga ma faatinoga o se faamoemoe e pei ona sa masani a’i, pau lona e lē mafai ona suia ai faavae e pei ona masani ona sau a’i.  E pei o le faatinoga o tu ma aganuu masani a le atunuu, aemaise foi o lenei talutalufou i suiga tetele o le soifuaga o lo o soifua ma ola ai le tagata.  Suiga foi fai mai o mea lelei i Upolu e lelei foi i Salafai, ui lava na faigata i nisi taimi, peitai e moomia.

E foliga faapea le mea ua tulai mai i Nasareta, ina ua toe foi ane le tama o Iesu i lona aiga ma lona nuu. Le tama ua sau ma suiga fou.  Suiga e moomia ai le talitonu ma le faamaoni, aemaise o le lagolagosua a lona nuu. O suiga mo le faamoemoe o le manuia o lona nuu. O lea ua foi mai Iesu faatoa uma ona tuliesea temoni mai le tagata sa ulufia ma nofoesea,  sa ia faamaloloina foi se fafine ua tele tausaga o maua i le ma’i puna toto, e faapea foi ma le toe faatūina mai o se teineitiiti mai le oti. O lona uiga, o lea ua i ai Iesu i se tulaga maualuga o lana galuega faaola ma vaaia le manuia ma le mana silisili ese, o lea ua toe foi mai lona nuu e amata ona ia avatu le savali o le Talalelei i ona tagata.

Peita’i e le i suia lava le vaai a tagata ile Iesu tamaitiiti laitiiti sa latou vaaia o ola a'e i autafa o ona uso ma tuafāfine. O tagata tonu lava ia sa ia ola ae faatasi. Sa latou vaai atu ia te ia o tuputupu ae i o latou luma. Sa taaalo le la fanau ma ia i le auala tele. Sa latou aveina a latou galuega kamuta e faatau atu i faleoloa. Sa latou pasia o ia i le maketi, sa latou tapuai faatasi ma ia i le sunako. I se faaupuga faigofie, ua latou masani iā te ia. O tagata nei o lona nuu moni, o i latou ia e sili ona iloa o ia.

O le itu faanoanoa lea, ona o latou foi o tagata sa sili ona iloa Iesu e faia soo se vavega e lē mafai ona faia. Peita’i, ua o lo latou lē talitonu ma lē taliaina Iesu i lona toe foi mai i lona nuu. O lea lava o lo o matapalā ma faa’ia o tainefu pea le vaai ia Iesu o le Alo o le Atua silisili ese, aemaise o suiga fou e pei ona faaalia i lona mana silisili ese. Sa maofa i latou, ona sa latou le manatu o le a mauaina e Iese se poto faapenei.  O lenei tamaitiiti e 30 tausaga le matua o loo tāla’i ma a’oa’o atu e pei o se a’oa’o atamai. Latou te lē i faalogo lava i se tasi o tautala faapenei i afioga a le Atua.

Le uiga lea o upu o le matua;

“… ua ofo i latou ua faapea atu, “Maifea na maua ai e lenei tagata ia mea? Se a foi lenei poto ua tuuina atu ia te ia, ina ia faia e ona lima vavega e faapena ona tele? E le o le tufuga ea lenei, le tama a Maria, o lona uso foi o Iakopo, ma Iose, ma Iuta, ma Simona? E le o iinei foi ea ia te i tatou ona tuafāfine?” Ona latou tausuai ai lea ia te ia”

Ioe, o le ofo sa lē mamā. Sa mumusu e talitonu. O le ta’ua ai o le galuega tufuga ma le aiga o Iesu, ua o se taumafaiga lava ia latou faaliliu ese lo latou mafaufau mai le upu moni ina ia faamaonia ai lo latou teenaina o Iesu, ma le lē taliaina o Iesu o le Alo o le Atua. Sa leai so latou faatuatua e faigofie ai ona talitonu ai e mafai e Iesu ona faia vavega.  A o i latou o ē na masani iā Iesu, peita’i sa latou lē naunau e talitonu o Iesu, o lē sa latou iloa lelei, o le a’oa’o sili le atamai mai le Atua, o ia foi o le Alo o le Atua, le Mesia.

Fetalai Iesu;

“E leai se perofeta e le mamalu, ua na o lona lava nuu, ma lona aiga, ma lona fale e le mamalu ai.”

Atonu o le tulaga tonu lava lea. E ui lava ina peisea’i ua lē faapenā nei aso, auā ua mamalu faasoloatoa le perofeta latou ia i lona lava nuu, aiga ma lona fale. Auā fai mai nisi; a malu a i fale, e malu foi i fafo. Ia tailo. Pau le mea mautinoa, o le fetalaiga a Iesu, o se faaupuga e faaaoga pe a lē amanaiaina le perofeta, pe a lē manatu mamafa i ai lona nuu, aiga, fale, o i latou e sili ona latalata i ai, aemaise lava pe a i ai se mea fou e faasoa atu.

O le feau foi lea o le Talalelei mo tatou. Ua faamanatu mai, o Suiga: E faigatā i nisi taimi, peita’i e mana’omia. E a, e lē manaomia ona maua le manava fou i nisi taimi?  Pe tatou te nonofo lava i le mea  lava e tasi i o tatou olaga atoa? E taua tele suiga, suiga lelei o loo atagia ai le alofa faaola o lo tatou Alii o Iesu. Suiga o loo atagia ai lou alofa faamaoni ile Atua i lou loto atoa, ma lou malosi atoa. Suiga fou o loo atagia ai lou alofa faamaoni i lou uso a tagata, lou tuaoi, e pei o oe lava ia te oe.

Peita’i o suiga lelei e faalagolago i le Agaga o le Alii le Atua, o ia na te faaosofia moegaluaga o suiga lelei mo lou soifua auauna ma so matou ola. Po a lava suiga tatou te faia, faia ma le loto mamā, faia ma le alofa, faia ma le talitonu ma le faatuatua i le Atua.

Fai mai sa maofa Iesu i lo latou lē talitonu. Ona o lo latou le talitonu, sa le mafai ai ona ia faia ni vavega i totonu o i latou, vagana ai le tuu o ona lima i luga o ni nai tagata mama’i ma faamālolo i latou.

O le sopolagi o le Atua e ala ia Iesu, o suiga sili lea ona faigata, peitai o lona lava alofa tunoa ua faamalo’ulo’u mai ai lava ile lalolagi sei togiola le tagata agasala. O lona maliu ma lona toetu manumalo mai le tuugamau ma le oti, o le suiga fou lea, mo latou o faatuatua ma salamo faamaoni.  

Amene!

 

 

 

Niutuiatua Onesemo (AM) 

.………………………………………

ankara escort