CALL : +685 24414
FAX 20429
5th Floor John Williams Building
Tamaligi, Apia

Admin : cccsit@cccs.org.ws   

 FEAU O LE ASO!

(Message of the day)

Tusi Faitau: 1 Timoteo 5:1-16

Matua: 1 Timoteo 5:1e-2

“..o taulele’a foi, peiseai o uso; o loomatutua, peiseai o tina; o fafine muli foi; peiseai o tuafafine ia; ma le amio mama lava”

(Treat younger men as brothers, older women as mothers, and younger women as sisters, with absolute purity)

Manatu Autu: O se faapotopotoga o puipuiga malu (A community of care)

O upu a Ruta, “O le mea e te alu iai ou te alu ai foi; o le mea e te nofo ai ou te nofo ai..”  O le faataitaiga – o le fai o le loomatua o Naomi e le sona tina ma ona tina. Faigata ia Ruta le faatofa mai o Naomi e pele ia te ia e ui e le o sona tina. Pei o le lagona foi lea o le Tusitala o Shakespeare i ana upu iloga , "Good night, good night! Parting is such sweet sorrow."

Tāua o le aumai e Paulo o le faiā o le uso, tina, ma tuafafine i se aiga – e iloatino ai le amio mama (absolute purity) ma le puipuiga malu – e fai ma faataitaiga i le ekalesia ma ona tagata. Ia fai le tauleale’a, le loomatua, le fafine muli i le ekalesia – ma ou uso, ma ou tina, ma ou tuafafine, fai mai Paulo, “..o le mea malie lea i luma o le Atua”.

 O la ata (image) o le ekalesia o loo aumai e Paulo, o le amio mama lava (absolute purity) ma le faatuatua (faith). E taua le faataua o tagata ua ta’ua e fai ma uso ma tina ma tuafafine pe a amio mama lava, ma faatuatua.

O le sini autu – ia le mata’uleagaina le ekalesia lea e fai mai Paulo ia Efeso, “..ua foaiina mai o ia (Keriso) e ia e fai mona sui, ..ina ia na tuuina atu o ia ia te ia, o le ekalesia matagofie lava, e leai sona ila, poo se maanuminumi..a ia paia, ma ia le pona”.

O le matagofie lea Samoa, o le ekalesia ma le Talalelei a Keriso ua e faamemelo iai i lau tautua ma lou fai ma sui. Aisea? Auā ua e talitonu i le puipuiga malu a Keriso i la ta malaga, i la le olaga nei, seia oo atu ma lē atali.

O upu tatou masani ai, “A malu i fale, e malu foi i fafo” Fai oe le ekalesia ma se faapotopotoga o puipuiga malu mo tagata o loo puapuagatia ma mafatia. O la Iesu na maliu ma toetu mo i tatou ina ia fai ma ana ekalesia, “..auā na faia e outou i le tasi o e aupito itiiti o o’u uso nei, o a’u lea na outou faia iai”.

Ia i le Atua pea lona lava viiga e faavavau. 

Anzac Tuala (FS) 

.………………………………………