CALL : +685 24414
FAX 20429
5th Floor John Williams Building
Tamaligi, Apia
Admin : cccsit@cccs.org.ws
TUSI FAITAU: NEEMIA 13:1-14
MATUA:f8 "Ona ou matua tiga lea ma ou lafo i fafo i le potu meaafale uma a Tovia; f9.. Na ou fai atu foi ona latou faamamaina lea o potu; ona ou toe au mai ai lea o ipu o le fale o le Atua ma le taulaga i mea e ai ma le pulu lipano.."
MANATU AUTU: TOE FUATAINA E NEEMIA
O le toe fuataina o le toe faafou , o le toe fausiaina ma faatulaga mea sa leaga ina ia lelei. o le feau a lea a le tusi nei a Neemia, o le toe fuataina. Ua faamatalaina ua le gata i le toe fausiaina o le pa, ae o olaga ma tu masani a le nuu ua leaga talu lava lo latou faatamala. Ao le galuega tele lea a Neemia ona o tagata na toe foi mai i le tafeaga, o le toatele lava o e sa fananau ae i totonu o Papelonia. Ua talafeagai foi le galuega, aemaise o le feau a Neemia o le toe fuataina. Fai mai na maea le pa poo le 12 o tausaga na toe foi Neemia i le tupu o Peresia, ao le 8 o tausaga na toe foi mai ai i Ierusalema. O le va lea na tutupu ai le faafitauli lea epei ona molimau le mataupu o lenei aso. Ua tofia Tovia le tagata ese e nofo i le potu o le malumalu. Lea na le fiafia ai Neemia ma ita aima tulia ese Tovia mai le malumalu. Le fuaupu ua auau iai le mataupu o lenei aso
f8 "Ona ou matua tiga lea ma ou lafo i fafo i le potu meaafale uma a Tovia; f9.. Na ou fai atu foi ona latou faamamaina lea o potu; ona ou toe au mai ai lea o ipu o le fale o le Atua ma le taulaga i mea e ai ma le pulu lipano..
Toe fuataina ma le toe faafou o mea ua faaletonu o le ata lea o se taitai lelei ma le mataala. Aua le tuufaua le leaga e alu loa aua e leaga uma ai mea.O le faamamaina o l;e potu, lafo i fafo meaafale a Tovia ma toe faafoi uma amai mea taua o le malumalu, o le ata lea o le tausisi pea ina ia faatumau le mamalu o tapuaiga ma tu i le malumalu o le nuu paia. O loo atagia foi i le tala lea le faaituau ma le ola faapito o le tagata. Ua le manatu i le mamalu ma mea taua, a ua lafoai ma tuulafoai i tagata e le malamalama ai.
Aua nei faa-le-aiga ma faa-le-uo ata faaiuga fai. Aua le vaai maulalo i isi tagata. O le upu masani, o lau filifiliga e lelei ai, o lau filifiliga foi e te manuia ai. Sa taumafai lava Neemia ina faatulaga le nuu ia lelei, ae iai lava le au faaleaga mea o loo iai. O le amataga lava fai mai ua malamalama i le tulafono e tuu ese lava tagata o nuu ese ma i le faasinomaga o soo se Iutaia. Toefuataina o le faafoisia mai le leaga i le lelei, o le mataga i le matagofie. E pei ona maliu Iesu o le toefuataina o le ola o le tagata mai le agasala i le saoloto pe a salamo ma faatuatua ia te ia. AMENE. .
Fiamalua Mauafu (FS)
.………………………………………
© 2024 CCCS